Адамзат тарихындағы ең ірі шахта апаттары

Жердегі барша өндіріс адамзат игілігі үшін жасалған. Тіпті жануарлар, өсімдіктер және табиғат та адам әрекеттерімен тікелей байланысқа ие. Олардың көбеюі, азаюы, бәрі-бәрі де адамзаттың бақылауында. Бірақ адамның басқаруына ырық бермейтін жағдаят та жоқ емес. Адамзат себеппен күрескенімен, салдары ырықсыз. Алдын алуға қанша тырысқанмен, бір мүлт кеткен әрекеттің өзі көптің тағдырына балта шабады. Bugin.kz назарларыңызға әлемдегі ең ірі шахта апаттарын ұсынады.

Бенсиху шахтасындағы апат. Қытай, 1942 жыл

Қытайдың Ляонин провинциясының Бенси қаласында орналасқан Бенсиху (Хонкейко) шахтасында 1942 жылы 26 сәуір әдеттегі жұмыс күні болар ма еді?! Егер әуе электр желісін шұғыл жөндеу үшін шахтаға берілетін электр үзілмегенде.... Токты сөндірген соң, негізгі желдеткіштер жұмыс істемейді. Шахта басшылығы желдету жүйесінің тоқтайтынын қызметкерлеріне ескертпейді. Басшылық жұмыстың тоқтамағанын қалап, ешкімге тіс жарып айтпауды жөн көреді. Араға бір сағат салып, ақау реттеледі. Шахтадағы электр қуатын қоса салып, жарылыс дыбысы естіледі. Нәтижесінде 1549 адам, яғни сол күні жұмыс істейтін кеншілердің 34%-ы қаза табады.

Шахта басшысы өрттің таралуына жол бермеу үшін барлық желдеткіштерді тоқтатуға шешім қабылдады. Алғашқы күні шахтадан көміртегі тотығынан улану белгілері бар 268 жаралы шығарылды, олардың 22-сі қаза тапты. Кейінгі 10 күнде шахтадан тек қаза болғандардың денесін шығарған.

Жұмысшылардың көпшілігі жарылыста емес, жарылыстан соң қаза тапқан. Яғни олар апаттан соң шахтадан шықпақ болып, көмірқышқыл газынан уланып қайтыс болған.

Курьердегі апат. Франция, 1906 жыл

1906 жылы 10 наурызда Франциядағы Курьер және Ленс коммуналарының арасында орналасқан көмір шахталарында қарапайым жұмыс күні еді. Кенет көмір тозаңы жарылады. Шахта тіректері қирап, қабырғалар опырылып, өрт лаулайды. Табиғат апатының алғашқы күндерінде 600-ге жуық адам құтқарылған. Тағы бір жұмысшы төрт күннен кейін тірі табылған. Ресми деректерде қаза тапқандар саны шамамен 1800 кеншінің 1099-ы деп көрсетілген. Денесі шашырап, бөлшектеніп кеткен мәйіттер көп. Сондықтан кей болжамдар бойынша, қаза тапқандар саны шамамен 1200-ге жетуі мүмкін.

Лао Байдунг кенішіндегі апат. Қытай, 1960 жыл

1960 жылдың 9 мамырында Қытайдағы Лао Байдунг кенішінде 1990 жылға дейін құпия сақталған апат болды. Метан жарылысы көптеген адамның өмірін жалмады. Бұл апат Қытай тарихындағы екінші ең қайғылы шахта апаты еді. Құрбандар саны – 682  адам. Оқиға туралы мәліметтер тек шаң басқан архивте сақталып келе жатыр. Қаншама адам зар илеп, қаншама адамның тағдыры беймәлім болды.

Мицуи шахтасындағы апат. Жапония, 1963 жыл

1963 жылы 9 қарашада Фукуока префектурасының Омута қаласындағы Мицуи шахтасында көмір шаңының жарылысы болды.

1963 жылы 9 қарашада кеніштің бірінші горизонтынан көмір тиеген 10 вагон шығарылды. Үшінші вагонетка бұрғыланды, нәтижесінде оның екінші вагонеткамен муфтасы жыртылды. Сегіз жүк тиелген вагонеткалар секундына 33 метр жылдамдықпен оқпаннан төмен түсті. Олар 360 метрдей ұшып, тіреуді бұзып, көмір шаңының бұлтын көтереді. Сағат 15:12-де жарылыс болды. Көмір шаңының тұтану көзі - аударылатын вагонеткалардың тірекке және өзара үйкелісінен шыққан ұшқын болған. Басқа нұсқаға сәйкес, арбалар жоғары вольтты кабельді зақымдауы мүмкін. Соққы толқыны магистраль бойымен таралып, біріншіден 100 метр жерде тағы бір жарылыс болды. Көмірқышқыл газы бүкіл шахтаға тарады.

Бұл кезде екінші ауысым шахтаға түсіп жатқан еді, ал біріншісі әлі шығып үлгермеген. Шахтадағы 1403 жұмысшының 20-сы жарылыстан қаза тапты, 438-і көмірқышқыл газына уланып қайтыс болды, 839-ы зардап шекті. Апат салдарынан 458 адам қаза тауып, 839 адам көмірқышқыл газынан уланған.